توجيه عام التربيه المسرحيه بالشرقيه
Idea
أهلا ً بك زائرنا العزيز , يسرنا إنضمامك لموقعنا موقع توجيه عام التربيه المسرحيه بالشرقيه , من خلال الضغط على كلمة التسجيل , و شكرا ً ,,, إدارة الموقع ,,,,,,

Smileهاني صيام Smile


توجيه عام التربيه المسرحيه بالشرقيه

الموجه العام الأستاذ : السيد محمود عبد الله
 
الرئيسيةاليوميةبحـثالمجموعاتالتسجيلدخول
موقع توجيه عام التربيه المسرحيه بالشرقيه ,,, أخصائي التربيه المسرحيه بمحافظة الشرقيه ,,, تحت إشراف السيد الموجه العام الأستاذ - السيد محمود عبد الله      عهد جديد من العمل الصادق    Smile     Embarassed     Crying or Very sad     Smile                                           


شاطر | 
 

 بعض القصائد , في حب مصر .

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
هاني صيام
وكيل الموجه العاام لشؤن إدارة الموقع
وكيل الموجه العاام لشؤن إدارة الموقع
avatar

عدد المساهمات : 54
نقاط : 4183
السٌّمعَة : 0
تاريخ التسجيل : 05/12/2012
العمر : 38
الموقع : أبو حماد - yousefseyam@yahoo.com

مُساهمةموضوع: بعض القصائد , في حب مصر .   الإثنين نوفمبر 04, 2013 1:56 pm




Crying or Very sad 


على اسم مصر


على اسم مصر التاريخ يقدر يقول ما شاء

أنا مصر عندي أحب وأجمل الأشياء


بحبها وهي مالكة الأرض شرق وغرب


وبحبها وهي مرمية جريحة حرب


بحبها بعنف وبرقة وعلى استحياء


واكرهها وألعن أبوها بعشق زي الداء


واسيبها واطفش في درب وتبقى هي ف درب


وتلتفت تلاقيني جنبها في الكرب


والنبض ينفض عروقي بألف نغمة وضرب


على اسم مصر


مصر النسيم في الليالي وبياعين الفل


ومرايه بهتانة ع القهوة .. أزورها .. واطل


القى النديم طل من مطرح منا طليت


والقاها برواز معلق عندنا في البيت


فيه القمر مصطفى كامل حبيب الكل


المصري باشا بشواربه اللي ما عرفوا الذل


ومصر فوق في الفراندة واسمها جولييت


ولما جيت بعد روميو بربع قرن بكيت


ومسحت دموعي في كمي ومن ساعتها وعيت


على اسم مصر


أنا اللي اسمي حتحـور .. أنا بنت رع


مثـال الأمـومـة ورمـز الحـنـان


تفـيض حـلمـاتي وتمـلا الـتـرع


وتسـقـي البـشـر كلهـم والغـيـطان


نهايته يا مصر اللي كانت أصبحت وخلاص


تمثال بديع وانفه في الطين غاص


وناس من البدو شدوا عليه حبال الخيش


والقرص رع العظيم بقى صاج خبيز للعيش


وساق محارب قديم مبتورة ف أبو قرقاص


ما تعرف اللي بترها سيف والا رصاص


والا الخراب اللي صاب عقل البلد بالطيش


قال ابن خلدون أمم متفسخة تعيش ليش


وحصان صهل صحى جميع الجيش


على اسم مصر



النخل في العالي والنيل ماشي طوالي


معكوسة فيه الصـور .. مقلوبة وانا مالي


يا ولاد أنا ف حالي زي النقش في العواميد


زي الهلال اللي فوق مدنة بنوها عبيد


وزي باقي العبيد باجري على عيالي


باجري وخطوي وئيد من تقل أحمالي


محنيه قامتي .. وهامتي كأن فيها حديد


وعينيا رمل العريش فيها وملح رشيد


لكني بافتحها زي اللي اتولدت من جديد



على اسم مصر


مصر .. التلات أحرف الساكنة اللي شاحنة ضجيج


زوم الهوا وطقش موج البحر لما يهيج


وعجيج حوافر خيول بتجر زغروطة


حزمة نغم صعب داخلة مسامعي مقروطة


في مسامي مضغوطه مع دمي لها تعاريج


ترع وقنوات سقت من جسمي كل نسيج



وجميع خيوط النسيج على نبرة مربوطة


أسمعها مهموسة والا أسمعها مشخوطة


شبكة رادار قلبي جوه ضلوعي مضبوطة


على اسم مصر


وترن من تاني نفس النبرة في وداني


ومؤشر الفرحة يتحرك في وجداني


وأغاني واحشاني باتذكرها ما لهاش عد


فيه شيء حصل أو بيحصل أو حيحصل جد


أو ربما الأمر حالة وجد واخداني


انا اللي ياما الهوى جابني ووداني


وكلام على لساني جاني لابد أقوله لحد


القمح ليه اسمه قمح اليوم وأمس وغد


ومصر يحرم عليها .. والجدال يشتد





Laughing 
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://alsharkya.forumegypt.net
هاني صيام
وكيل الموجه العاام لشؤن إدارة الموقع
وكيل الموجه العاام لشؤن إدارة الموقع
avatar

عدد المساهمات : 54
نقاط : 4183
السٌّمعَة : 0
تاريخ التسجيل : 05/12/2012
العمر : 38
الموقع : أبو حماد - yousefseyam@yahoo.com

مُساهمةموضوع: ف يوم النصر    الإثنين نوفمبر 04, 2013 2:05 pm






ف يوم النصر

ف أكتوبر
ف شهر الصوم
على الجبهه
عشان خطرك ..
دفع مهرك
وسال دمى
على ترابك
وشوفته أبويه
ف منامى
يا مصر..
ف حضني
بتنامي
و غنيلك..
تغنى له
وبفرح جوه أحضنانك
فحبك مصر..
ضحينا
حدود الصعب ..
عدينا
وبسم الله وكبرنا
رفعنا الرايا بادينا
ف حبك مصر
بحور الشعر
ننساها
و بكتبلك على الأشواق
أنا المشتاق تضميني ..
أنا الشاعر ..
بحالة عشق فياضة
أنا نفسي أكون نيلك
و قنديلك
و انور لك أنا ليلك
أكون لحنك
و أغني لك
عن الأشواق
وعن عمرك
وعن شمسك
وعن قمرك
وع الأغصان
يا غصن زتون
حمام ابيض
تاريخ وحضاره جواكى
ياست الحسن
يا شيله الحزن من قلبي
و زراعه الحب جوانا
وحشتيني وأنا معاكى
أنادي لك
أنا جيلك
أنادي لك ..
تضميني
وتخدينى
تلاقيني ..
أنا في نيلك
وعديلك من الأهوال
وان طالت ..
هموم الدنيا
لو مالت على كتفك
اشيلها لك ..
وعديلك صعاب وصعاب
بحبك مصر وبقوه
يا نبض القلب من جوه
يا دم بيجري
في عروقي
كتبت لك
ومن شوقي
بحب في شعبك الطيبه
وروح النصر
بحبك مصر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://alsharkya.forumegypt.net
 
بعض القصائد , في حب مصر .
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
توجيه عام التربيه المسرحيه بالشرقيه :: قصائد تصلح لمسابقات الإلقاء-
انتقل الى: